نۆژەنکردنەوەی باخچەی ئاوبارە ، کۆنگرەی ڕاگەیاندنی کەمپینی سوپاسگوزاری

دوای نزیکەی مانگێک کارکردن لە باخچەی ئاوبارە خۆشبەختانە لە کۆنگرەیەکی رۆژنامەوانیدا باخچەکەمان ڕادەستی دانیشتووانی ئازیزی گەڕەکی ئاوبارە کردەوە ، دوابەدوای ئەوە تیمی (٤٣) بەسەرپەرشتی خاتوو شنیار ئەنوەر کەمپینی سوپاسگوزاریمان ڕاگەیاند.

کەمپینی سوپاسگوزاری: ئامانجی سوپاسکردنی هەموو ئەو کەس و شوێن و لایەنانە بوو کە لە کاتی بانگەشەی هەڵبژاردن تیمی (٤٣) بە سەرپەرشتی خاتوو شنیار ئەنوەر سەردانی کردبوون و هاوکار و دەستپێشخەر بوون لە پاڵپشتی خاتوو شنیار ئەنوەر بۆ بوونی بە ئەندام پەرلەمان ، مەبەست لەم کەمپینە گێڕانەوەی متمانەی هاووڵاتییانە بۆ سیاسەت و ڕەت کردنەوەی ئەو بیرکردنەوەیەی کە پێیان وابوو پەرلەمانتار ئەو کاتە دەچێتە ناو خەڵک کە پێویستی پێیەتی .