چالاکی یادی دامەزراندنی شاری سلێمانی

لە ڕێگەی زەرفێکی نامەوە کە نامەیەکی سوپاس گوزاری تێدابوو ، دواتر ١٠ مێز و کورسی و چەتر بەخشرایە ١٠ کاسب کاری دەستگێڕی ناوبازاڕی شاری سلێمانی، خاتوو شنیار ئەنوەر بۆ ماوەی چەند کاتژمێرێک لە جێگای ئەو کاسبکارانە هەستا بە فرۆشتنی کەلوپەلەکانیان، ئامانج لەم چالاکیە بۆ تێگێشتن بوو لە موعاناتەکانی خەڵک و هەستکردن بە کێشە و ئازارەکانیان، هەر لەو ڕۆژەدا ١٠ هێلانە کۆتر لە ١٠ شوێنی جیاوازی بەردەرکی سەرا و ناوبازاڕ و لای باخی گشتی دانران بە مەبەستی پاراستنی ژینگە و باڵندەکان، یەکێکی دیکە لە چالاکییەکانی تایبەت بە ڕۆژی سلێمانی بەخشینی خەڵاتی ڕێزلێنان و سوپاس نامە بوو بە چەند کەسایەتییەکی شاری سلێمانی لەوانە (عومەری کەریم ئاغا، ئەحەی گوڵە، قەیسەری نەقیب) بە مەبەستی ڕێزلێنانیان و نوسینی کورتەیەک لەسەر مێژووی ئەم بەڕێزانە تا نەوەکانی داهاتوو ئاشنا بن بە مێژووی ئەم بەڕێزانە.
لەم چالاکییەدا کە ماوەی دوو ڕۆژی خایاند خاتوو شنیار بەدەر لە چالاکییەکان گوێی لە موعانات و کێشە و گیروگرفتەکانی خەڵک گرت و داواکارییەکانی لێ وەرگرتن کە هەر یەکێکیان کێشە و گرفت و و داواکاری جیاوازی هەبوو .